Mii ohcat ekonomiijahoavdda ovtta Finnmárkku gelddoleamos organisašuvdnii

Om stillingen

Bargoaddi: Finnmarkseiendommen / Finnmárkkuopmodat (FeFo)

Stillingstittel: Ekonomiijahoavdda

Bistin: Fásta

Gielda: Alta

Ohcanáigemearri: 20. čakčamánnu 2026

Oza bargui (Jobbnorge)

Om arbeidsgiver

Mii leat eanaeaiggát mii hálddaša 95 proseantta Finnmárkku eatnamiin buohkaid ovddas geat ásset dáppe. Finnmárkkuopmodat lea 46 600 njealjehaskilomehtera stuoris, mii dahká min riikka nubbin stuorámus eanaeaiggádin. Mis leat 42 bargi golmma kantuvrras; Leavdnja (váldokantuvra), Áltá ja Čáhcesuolu.

Doaibma fátmmasta earret eará bivddu, guolásteami ja eará meahcceressursaid hálddašeami, eanaeaiggáda rivttiid ja luondduressursaid hálddašeami. Ja buot lea sajáiduvvon Finnmárkkulágas.

Stivrra man Sámediggi ja Romssa ja Finnmárkku fylkkadiggi lea nammadan jođiha FeFo.

Háliidat go don geavahit iežat ekonomiijafágalaš gelbbolašvuođa ja leat mielde váikkuheamen Finnmárkkuopmodaga ceavzilis hálddašeami buorrin Finnmárkku ássiide?

Mii ohcat dorvvolaš, strategalaš ja ovdánahtti ekonomiijajođiheaddji. Go min dálá ekonomiijahoavda heaitá 2027:s, de ohcat su sadjásačča gii sáhttá joatkit dan buori barggu ja veahkehit nannet FeFo boahtteáiggi.

Finnmárkkus lea erenoamáš luondu, rikkis kulturárbi ja čeavlás álbmot mas leat nana ruohttasat dáčča, sámi ja kveana árbevierus. Min bargu lea fuolahit luondduriggodagaid Finnmárkkulága mielde, buoremussan Finnmárkku ássiide.

Ekonomiijahoavdan oaččut guovddáš rolla organisašuvnnas. Dus lea ovddasvástádus ekonomiijafunkšuvnnas, don leat mielde váikkuheamen buori mearrádusvuođu jođihangoddái ja leat mielde hábmemin ovdáneami doaimmahusas mas lea dehálaš servodatdoaibma Finnmárkkus.

Háliidat go diehtit mo lea bargat FeFos? Loga eambbo

Maid don galggat bargat?

Don galggat earret eará:

• Jođihit ja ovdánahttit FeFo ekonomiijafunkšuvnna

• Ollislaš ovddasvástadus bušeahtas, rehketdoalus, jahke rehketdoalus, raporteremis ja ekonomalaš analysain

• Sihkkarastit buriid ekonomiijaproseassaid, siskkáldasbearráigeahču ja njuolggadusaid čuovvoleami

• Oassálastit jođiheaddjijoavkkus ja leat strategalaš ráđđeaddin direktevrii ja fágaossodagaide

• Jođihit ođđa ekonomiija- ja rehketdoallosystema ásaheami ja viidáset ovddideami

• Jođihit ja ovdánahttit ekonomiijaossodaga mielbargiid

• Bargat kánturjođiheaddjin Álttás

Gelbbolašvuohta

• Alit oahppu ekonomiijas, rehketdoalus, revišuvnnas dahje finansas.

• Relevánta jođihanvásáhusat

• Vásáhusat ekonomiijastivremis, bušeahtain, rehketdoalus ja raporteremis

• Buorre ipmárdus doaibmajođiheapmái ja ekonomalaš mearrádusproseassaide

Guhkes bargovásáhus sáhttá buhttet váilevaš formála oahpu.

Virgái gullá muhtun muddui mátkkošteapmi Finnmárkkus. Danin lea ovdamunni jus lea B klássa vuodjinkoarta.

Gelbbolašvuohta ja beroštupmi Finnmárkku ja sámi ja kveana kultuvrra birra deattuhuvvo. Gelbbolašvuohta sámegielas lea lassi.

Go galgá árvvoštallat geas lea buoremus gelbbolašvuohta, de deattuhuvvo oahppu, bargovásáhusat ja persovnnalaš heivvolašvuohta, ja maiddái mokta virgái.

Gii don leat?

• Don leat oadjebas ja čielga jođiheaddji geas leat buorit čađahannávccat

• Don barggat struktuvrralaččat ja analyhtalaččat

• Ovttasbarggat bures ja hukset buriid oktavuođaid fágasurggiid gaskkas

• Don máhtát čilget ekonomalaš oktavuođaid ja nuppástuhttit analysaid buriid mearrádusaide

• Dus lea beroštupmi Finnmárkui ja ipmárdus fylkka sámi ja kveana kultuvrii.

Mii fállat

• Guovddaš jođiheaddjirolla ovtta Finnmárkku gelddoleamos organisašuvnnain

• Vejolašvuohta váikkuhit ja viidáseappot ovddidit ekonomiijasuorggi FeFos

• Guovddáš rolla min ođđa ruhtadanvuogádaga álggaheamis Visma

• Nana fágalaš biras ja čeahpes bargoskihpárat

• Máškidis bargoáigi ja buriid penšuvdna- ja dáhkádusortnegiid

• Hárjehallan bargoáiggis ja barttat bargiide

• Vejolašvuohta bures oahpásnuvvat Norgga čábbamus fylkkas

Erenoamáš ovdamunit

Virggi kánturbáiki lea Áltá - Finnmárkku stuorámus gávpot ja regionála guovddáš viiddis kulturfálaldagain, valáštallamis, gávppašeamis ja oahpus. Dáppe oaččut buoremus osiid guovtti máilmmis: ealli gávpotbirrasa ja čáppa luonddu lahkosis.

Finnmárku addá dutnje vejolašvuođa eallit dakkár eallimis mas lea eambbo sadji, stuorát friddjavuohta ja lagašvuohta dasa mii lea deháleamos. Beroštat go meahcástallamis, guolásteamis, čuoigan- ja čierastallanluohkáin, dahje háliidat baicca ráfálaš vánddardeami, rabas eanadagaid ja buriid luondduvásáhusaid, de gávdnojit valjis vejolašvuođat birra jagi.

Finnmárkku ássiin leat dasa lassin buorit ortnegat nugo oahppoloana sihkkun, vearrogeasus ja nuvttá mánáidgárdi.

Ohcan

Oza virggi jobbnorge.no bokte. Dáppe registrerejuvvo ohcan ja CV mas lea relevánta oahppu ja bargovásáhus.

Mii háliidit máŋggabealat bargobirrasa ja ávžžuhit gelbbolaš evttohasaid ohcat. Mis árvvoštallo du čehppodat, vásáhusat ja mokta.

Ohccit bovdejuvvojit jearahallamii.

Mii fuomášuhttit ahte dieđut du ohcama birra sáhttet almmuhuvvot vaikko leat ge bivdán dollejuvvot almmolaš ohcciidlisttus, gč. almmolašvuođalága § 25. Mii dieđihit jus du sávaldat čiegus meannudeami birra ii váldojuvvo vuhtii.

Álgin šiehtadusa mielde.

Váldde oktavuođa direktevrrain Tom Mikalsen telefuvdna 92 82 94 65 dahje epoasta bokte

Ohcanáigemearri: 20. čakčamánnu 2026

Oza bargui (Jobbnorge)