Deaŧalaš doaibma Deanuleagi kulturhistorjjá ovddas: Mii ohcat museafágaovddasvástideaddji Deanu Museai

Virggi birra

Bargoaddi: Deanu ja Várjjat Museasiida / Tana og Varanger Museumssiida (TVM / DVM)

Virgenamahus: Museafágaovddasvástideaddji

Virgeáigodat: Bissovaš

Bargobáiki: Deatnu

Ohcanáigemearri: Sotnabeaivve golggotmánu 4. beaivi

Sádde ohcama dás

Bargoaddi birra

Vuođđudusas Deanu ja Várjjat Museasiida / Tana og Varanger Museumssiida (DVM/TVM) lea doaibmaovddasvástádus dáid museaid hárrái: Saviomusea Girkonjárggas, Ä’vv Saa’mi Mu’zei Njávdámis, Várjjat Sámi Musea Vuonnabađas ja Deanu Musea Buolbmágis.

Vuođđudeaddjit leat Sámediggi, Mátta-Várjjat gielda, Unjárgga gielda ja Deanu gielda.

Vuođđudusa ulbmil lea bargat dan ovdii ahte sámi identitehta, giella ja kulturárbevierut dokumenterejuvvojit, čalmmustahttojuvvojit ja ovdánahttojuvvojit guovtti sámi giella- ja kulturguovllu, guovllu sámi historjjá ja našuvnnalaš dáidaga vuođul.

Hálddahusbáiki lea Vuonnabahta.

Tana Museum / Deanu Musea gullá Deanu ja Várjjat Museasiidii / Tana og Varanger Museumssiida (TVM/DVM).

Musea váldoulbmil lea dokumenteret ja gaskkustit Deanuleagi kultuvrra, mas erenoamážit deattuhuvvo guovllu johkasámi historjá ja sámi kultuvra muđui.

Seammás galgá musea maid áimmahuššat kvena ja Suoma ja Norgga beale kulturárbevieruid mat gullet Detnui.

Dál sáhtát šaddat guovddáš olmmožin dán doaimmas, go mii ohcat museafágalaš ovddasvástideaddji.

• Lea go dus buolli beroštupmi báikkálaš historjái ja kultuvrii?

• Relevánta museafágalaš oahppu, gelbbolašvuohta ja máhttu?

• Ja miella leat fárus deaŧalaš áigodagas Deanu Museas?

De soaittát don gean mii ohcat!

Gos lea bargu?

Stuora oassi museafágalaš barggus čađahuvvo museabáikkis Buolbmágis.

Virggis lea seammás kantuvrabáiki Deanu šaldis, ovttas Joddu luossaguovddážiin/ Besøkssenter villaks Tana.

Vuođđudus lea bargamin ásahit ođđa museavistti gielddaguovddážii.

Lea deaŧalaš ahte museafágaovddasvástideaddji lea beaivválaččat bargosajis. Seammás sáhttit mii muhtin muddui heivehit, jus ásat eará báikkis dahje dárbbašat veahá láhččojumi álggus.

Mii lea bargun?

Mii ohcat museafágaovddasvástideaddji bissovaš 100 proseantta virgái.

Don beasat leat fárus doalvume musea ođđa áigái, gaskkustit johkasámi kulturhistorjjá ja guorahallat guovllu sámi eallima ja historjjá muđui.

Don leat gearggus ovttasbargat ođđa museavistái sirdima oktavuođas, ja lágidit dili ođđa metodaide dasa mo olahit ain eanebuidda, čielgasit báikkálaš kultuvrra vuođul.

Museafágaovddasvástideaddjin fuolahat don musea beaivválaš doaimma, mii earret eará lea:

• Čoakkáldaga hálddašeapmi

• Gaskkusteapmi ja čájáhusaid plánen

• DBS (dárogillii HMS), bargiid ja bušeahttahálddašeami dáfus oasseovddasvástádus

Fertet rehkenastit ahte virgái gullet maiddái eará ja praktihkalaš doaimmat.

Virgi gullá min fágaovddasvástideaddji jovkui, ja raportere vuođđudusa direktevrii.

Gii leat don?

Mii ohcat ođđa fágaovddasvástideaddji geas leat oahppu, bargohárjáneapmi ja eará gelbbolašvuohta mii sáhttá du dahkat gelbbolažžan virgái.

Ealjárvuohta, áddejupmi ja beroštupmi báikkálaš kulturhistorjái lea dieđusge maiddái hui deaŧalaš.

Vejolaš duogáš ja gelbbolašvuohta sáhttá leat:

• Alit oahppu musearelevánta fágas – ovdamearkka dihte konserváhtor, arkeologiija, museologiija, historjá dahje religiovdnadieđa. Eará servodatdieđalaš dahje historjjálaš/filosofalaš suorggit sáhttet maid leat relevánttat. Vuosttažettiin masterdásis, dahje badjelis.

• Hárjáneapmi museabarggus, kulturmuitosuodjaleamis, hálddašeamis dahje eará relevánta barggus.

• Buorre áddejupmi prošeaktajođiheamis ja plánamearrádusain, ja eandalii maiddái vissis ekonomiijastivrengelbbolašvuohta.

Dán virgái dárbbašuvvo buorre gelbbolašvuohta sámi kultuvrras, gielas ja servodatdiliin. Lea ovdamunni jus gulahalat sihke davvisámegillii ja dárogillii.

Min ođđa museafágaovddasvástideaddjis leat maid buorit ovttasbargogálggat, čađahannávccat ja ambišuvnnat ovdánahttit musea – ovttasráđiid báikkálaš bargiiguin ja vuođđudusain muđui.

Virgái gáibiduvvo maiddái vuodjinkoarta kl. B

Ohccit geain lea eará oahppu dahje duogáš sáhttet árvvoštallojuvvot jus eará eavttut devdojuvvojit.

Mii fállat:

• Museafágaovddasvástideaddjin oaččut bálkká soahpamuša mielde, buori penšuvdnaortnega KLP olis, ja dieđusge vel:

• Deaŧalaš bargosaji gos vuođđudusas leat čeahpes bargoguoimmit, juohkásan njealji museii.

• Don oaččut vejolašvuohta fágalaččat ovdánit, sisriikkalaš ja riikkaidgaskasaš prošeavttaid, kurssaid ja bargoveaga bisánkeahtes ovdáneami bokte.

Álgin farggamusat, 2026 čavčča mielde.

Jus leat jearaldagat virggi birra, váldde áinnas oktavuođa min direktevrrain Mariann W. Magga telefovnna 95262152 / e-poastta bokte

Dahje min rekrutterenráđđeaddiiguin Heia Nord-Norge fitnodagas:

• Gard Michalsen: 91732534 / e-poasta / Linkedin

• Elisabeth Aspevoll:  91685086 / e-poasta / Linkedin

Ohcanáigemearri: Sotnabeaivve golggotmánu 4. beaivvi, muhto dieđit áinnas beroštumi ovdal dan

Sádde ohcama deike: